Ошо шиғыр юлдарын ижад иткән башҡорт шәхесе Ғәли Соҡоройҙоң тыуыуына 2021 йылда 195 йыл тула.
8 ғинуар уның кесе Ватанында - Тәтешле районында ошо айҡанлы байрам саралары башланасаҡ.
Мәғрифәтсе донъяға килгән Иҫке Соҡорой ауылында, Ғәли Соҡоройҙоң тыуған нигеҙендә урынлашҡан йорт-музейҙа уға арналған таҡтаташ асыласаҡ.
Үрге Тәтешлеләге тыуған яҡты өйрәнеү музейында шәхестең тормош юлын, ижадын сағылдырған күргәҙмә ойоштороласаҡ.
"Әсән хан тоҡомдары" исемле концерт тамашаһында башҡорт эстрадаһы йондоҙҙары Зәйнетдин, "Арғымаҡ" төркөмө сығыш яһаясаҡ.