Тормошта иң мөһиме - ул ғаилә

“Илде һаҡлағанда ла һин тәү сиратта үҙ ғаиләңде ҡурсалайһың” – был ялдарҙа “Бәхет биләмәһе” проекты сиктәрендә Башҡортостан Башлығы Радий Хәбиров ғаилә ҡиммәттәре хаҡындағы фекерҙәре менән уртаҡлашты.

“Кешенең тормошонда иң мөһиме – ул ғаилә, хатта ил һаҡлағанда ла һин тәү сиратта үҙ ғаиләңде ҡурсалайһың.

Бөгөнгө көндә ғаиләләр төрлө яҡтан баҫым кисерә – этик, матди һәм башҡалар. Беҙ йәш саҡта аҡса һәм башҡалар хаҡында артыҡ уйланмай ғаилә ҡора инек, бөгөн килеп барыһы ла рациональ үлсәмгә күсте. Был яҡшымы, яманмы – белмәйем”, - тине республика етәксеһе.

Ул “гражданлыҡ никахы” аңлатмаһы хаҡында ла һүҙ ҡуҙғатты, был күренеште хуплап еткермәүе хаҡында белдерҙе.

“Ғаилә ысын булырға, уның ағзалары бер-береһе хаҡында хәстәрлек күрергә тейеш”, - тине Радий Хәбиров.

Әңгәмә барышында Башҡортостан Башлығы үҙ ғаиләһе, ундағы ҡиммәттәр, ғөрөф-ғәҙәттәр хаҡында ла һөйләп үтте:

“Йәкшәмбе минең өсөн ғаилә көнө, үҙемде эш менән күмергә тырышмайым, ғәҙәттән тыш хәлдәрҙе һәм эштәге айырым осраҡтарҙы иҫәпкә алмағанда”.

Радий Хәбиров Башҡортостан ир-егеттәренә был көндә үҙҙәрен ғаиләгә арнарға кәңәш итте. Ул үҙе ял көндәрендә аш-һыу менән булышырға ярата, бик оҫта бешеренә икән.

Айгөл ЙӘМИЛЕВА.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07