Өфө космостан нисек күренә?

Сергей Рязанский исемле космонавт "Фейсбук"та Өфөнөң космостан төшөрөлгән фотоһүрәттәре менән уртаҡлашты.

"Миңә бар планетабыҙҙы: утрауҙарҙы һәм океандарҙы, сүллектәрҙе һәм ҙур-ҙур ҡалаларҙы фотоға төшөрөү оҡшай. Хәҙер килеп, Рәсәйҙең бер ҡалаһын төшөрөргә ҡарар иттем - ул беҙҙең үлсәүҙәр буйынса ҙур ҙа түгел, әммә уның биләмәһенә Париж һымаҡ ете ҡала һыйыр ине", - ти космонавт һәм Башҡортостандың баш ҡалаһы менән таныштырып, уның үҙенсәлектәре хаҡында һөйләп алып китә.

Өфө - Рәсәйҙәге иң киң, иркен ҡала, унда йәшәгән бер кешегә яҡынса 700 квадрат метр ер тура килә.

Өфө - Сочинан һәм Волгоградтан һуң иң оҙон ҡала һанала. Өфө миллионлы ҡалалар араһында иң йәшел ҡала булып танылған.

"Тағы ла бер яҡшы факт, - ти Сергей Рязанский үҙенең яҙмаһында, - Өфө барлыҡҡа килгәненән алып, бер ҡасан да, бер кемгә лә баш эймәгән: ҡәлғә диуарҙары әллә күпме баҫҡынсыларға, дүрт айҙға һуҙылған һөжүмгә, Пугачев ихтилалдарына ҡаршы торған".

Бына ниндәй ҡалала йәшәйбеҙ беҙ!

Айгөл ЙӘМИЛЕВА.