-5 °С
Болотло
Бөтә яңылыҡтар
Дөйөм мәҡәләләр
1 Декабрь 2020, 10:43
БӨГӨН КРАСНОКАМА РАЙОНЫНЫҢ ЯҢЫ АҠТАНЫШБАШ АУЫЛЫНДА ӘХМӘТХУЖА ӘХМӘҘУЛЛИН ҺӘМ ХӘНӘФИ НУРҒӘЛИЕВ ХӨРМӘТЕНӘ МЕМОРИАЛЬ ТАҠТАТАШ АСЫЛА
Бөйөк Ватан һуғышында 112-се башҡорт кавалерия дивизияһында ҡатнашҡан ике яугир ҙа Яңы Аҡтанышбаш ауылында тыуып үҫкән.
Лариса АБДУЛЛИНА
ХӘТЕР
Ә бөгөн мин осрашыуға килдем,
Ҡулдарымда – ҡыҙыл ҡәнәфер.
Ике батыр ҡайтҡан тигәйнеләр –
Әхмәтхужа менән Хәнәфи.
Ике батыр һуғыш юлын үтеп,
Килеп баҫҡан туған тупраҡҡа.
Бөйөк яуҙан килә сәләмдәре,
Залп уттары балҡый йыраҡтан.
Оҙон булған яугирҙәрҙең юлы,
Һуғыш юлы кеүек аяуһыҙ.
Бармы икән батыр тыумаҫ ерҙәр?
Бармы икән ғаилә яраһыҙ?
Шайморатов ғәскәренән улар –
Нурғәлиев, иптәш капитан!
Һин ант иткән инең милләтеңә!
Һин фатиха алдың халыҡтан!
Шәһит киткәндәрҙең рухы бөгөн
Оло шатлыҡ аша илата!
Изге йола батыр ҡайтҡан саҡта
Батырыңды ҙурлап йыр атау!
Әхмәтхужа батыр, исемеңде
Һәр алышта яҙҙың тарихҡа.
Тоғролоғоң һинең – ошо ерҙән,
Ә дәрәжәң – рухлы халыҡтан.
Һеҙҙең ғәскәр сафта мәңге ҡалыр,
Атакаға барыр ул тағын.
Гел юғары тота белһен милләт
Илебеҙҙең ҡанлы байрағын.
Батырҙары тотҡан байрағын!
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07