+18 °С
Болотло
VK
Бөтә яңылыҡтар
Дөйөм мәҡәләләр
5 Октябрь 2020, 12:40

БАЛАН БАЙРАМЫ

Әбейҙәр сыуағы... Көҙҙөң иҫ киткес матур мәле. Ошо сағыу көндәрҙә беҙ: әсәй-өләсәйҙәр, ауылыбыҙҙың ағинәйҙәре менән йәмле Дим буйына Балан байрамына йыйылдыҡ. Сараны ауылыбыҙҙың мәҙәниәт йорто етәксеһе Альбина апай, китапханасы Розалия апай ойошторҙо. Розалия апай баландың файҙаһы тураһында һөйләне. Ә ағинәйҙәр баландан ниндәй ризыҡтар әҙерләргә мөмкин икәнде аңлатты. Бына улар: баландан бәлеше, балан һыуы, балан ҡайнатмаһы, балан ҡағы. Һәр бер ризыҡтың организмға файҙаһы бик ҙур күп икән.

Ә күмәкләшеп балан йыйыуы – үҙе бер кинәнес. Ағинәйҙәр теләк теләп балан йыйҙы, беҙгә лә өйрәтте. Күмәкләшеп түңәрәктә милләтебеҙ уйындары уйнаныҡ, йырлаштыҡ. Төрлө ризыҡтарҙан ауыҙ иттек, самауыр сәйе эстек. Балан байрамы беҙгә бик оҡшаны. Онотолмаҫ хәтирә буласаҡ был байрам. Өлкәндәргә рәхмәтлебеҙ.
Наҙгөл ЯНЫШЕВА.
Тамъян-Таймаҫ ауылы.
Миәкә районы.
Читайте нас: