ӘКИӘТ ИЛЕНӘ СӘЙӘХӘТ

Гөлнара МОСТАФИНАТӨҪТӘР(әкиәт)Айыухан менән Ҡуянҡай көн дә мәктәпкә йөрөгән. Һайыҫҡан уларҙы уҡырға, яҙырға өйрәткән. Бөтәһе лә тырышып уҡығандар. Бер көн Айыухан ауырып киткән. Уның башы, тамағы ауыртҡан. Табип уға өйҙә генә ятырға ҡушҡан. Ә ул бик уҡырға теләгән.Тәҙрәнән ҡараһа, Бүре китеп бара икән. Айыухан уны саҡырып:— Бүребай, дәрестә нимә үттегеҙ? Миңә лә өйрәт әле, — тигән.—Ваҡытым юҡ, ана, төлкө өйрәтһен, — тигән дә Бүребай үтеп киткән.Айыухан Төлкөбикәне көтә башлаған. Уны күреп:— Төлкөбикә! Дәрестә нимә үттегеҙ? Миңә өйрәт әле! — тип ҡысҡырған. Әммә хәйләкәр:— Эшем бар, ана, ҡуян өйрәтһен, — тигән дә китеп барған.Сабып килгән Ҡуянҡай илап ултырған Айыуҙы күреп:— Ни эшләп илайһың, Айыухан? – тип һораған.— Минең уҡығым килә-ә-ә, — тип тағы ла нығыраҡ үкергән теге... (дауамы сайтта)

— Әйҙә мин һиңә өйрәтәм! – тигән ҡуян, дуҫына. Айыухан ҡыуанып киткән. Улар баҡсаға сыҡҡан.

— Бына был — алма. Ул — ҡыҙыл, — тип аңлатҡан Ҡуянҡай дуҫына.

Ә был — еләк. Ул да ҡыҙыл.

— Был да ҡыҙылмы? — тип Айыухан ҡыуана-ҡыуана Ҡуянҡайға сәскә һуҙған.

— Юҡ, был сәскә ҡыҙыл түгел, — тип баш сайҡаған ҡуян. — Ул — күк.

— Ә был туп та күк төҫтәме? – тип һораған Айыухан тупҡа күрһәтеп.

— Эйе, уның да төҫө — күк.

— Ә минең күлдәгем? — тип һораған айыу үҙенең кейеменә ҡарап.

— Һинең күлдәгең — йәшел. Тағы нимә йәшел, йә күрһәт әле?

Айыухан ҡуян балаһына түтәлдән борсаҡ өҙөп алып биргән:

— Бына йәшел! — тигән ул ҡыуанып.

— Эйе, борсаҡ — йәшел, — тигән уға ҡуян балаһы.

Тайыштабан ағастан япраҡ өҙөп алған да ҡуянҡай янына килеп:

— Ә был ниндәй төҫ? — тип һораған.

— Ул – һары, — тигән Ҡуян дуҫы.

Айыухан шул саҡ күккә ҡарап:

— Ана, күрсе, ҡояш та һары! — тип ҡысҡырып ебәргән.

— Эйе, ҡояш та һары төҫтә, — тигән уға ҡуян.

— Ә мин ниндәй? – тип һораған айыу.

— Һин — һоро. Ә мин — аҡ, — тип яуаплаған уға ҡуян.

— Ә миңә төҫтәрҙе өйрәтмәгән бүре менән төлкө ниндәй төҫтә? — тип һораған айыу.

— Бүре — һоро, ә төлкө — һарғылт.

— Беҙҙең уҡытыусыбыҙ Һайыҫҡандың төҫө?

— Ә ул ике төҫлө — аҡлы-ҡаралы.

— Мин бөгөн төҫтәрҙе өйрәндем: ҡыҙыл, күк, йәшел, һары, көрән, аҡ, һоро, һарғылт, ҡара! – тип ҡыуанған Айыухан. Уға ҡарап Ҡуянҡай ҙа шатланған.

Һауығып, уҡырға барғас, төҫтәрҙе өйрәнеп килгән Айыуханды уҡытыусыһы бик маҡтаған...

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07