Ошо үҙенсәлекле көн айҡанлы республикабыҙҙың балалар баҡсаларында, мәктәптәрҙә төрлө саралар үтә.
Ғафури районы Ҡауарҙы урта мәктәбендә башланғыс синыф уҡытыусылары Фәнзилә Мөхәмәт ҡыҙы, Әнисә Фәрит ҡыҙы, Гөлсинә Шәфҡәт ҡыҙы фәһемле һәм күңелле байрам ойошторҙо.
Уҡыусылар ҙа, уҡытыусылар ҙа үҙҙәренең милли кейемендә килде. Шулай уҡ мәктәп тормошона битараф булмаған, һәр саҡ ярҙам ҡулын һуҙырға әҙер булған ата-әсәләр ҙә ҙур теләк менән байрамда ҡатнашты. Был саранан олоһо ла, кесеһе лә халҡыбыҙҙың милли кейемдәре тураһында бик күп мәғлүмәттәр алып, яҡшы кәйеф менән таралышты.