+11 °С
Болотло
VK
Бөтә яңылыҡтар
Дөйөм мәҡәләләр
10 Сентябрь 2020, 20:40

ДАҒСТАН РЕСПУБЛИКАҺЫНДА ХХХIV ХАЛЫҠ-АРА "АҠ ТОРНАЛАР" ҒАМЗАТОВ ӘҘӘБИ ФЕСТИВАЛЕ СИКТӘРЕНДӘ ЯҘЫУСЫЛАР БӨЙӨК ШАҒИРҘЫҢ ТЫУҒАН АУЫЛЫ – ХУНЗАХ РАЙОНЫНЫҢ ЦАДА АУЫЛЫНДАҒЫ БАЙРАМ САРАЛАРЫНДА ҠАТНАШТЫ.

ИҢ ҠЫУАНЫСЛЫҺЫ ШУЛ БУЛДЫ – УРЫНДАҒЫ МӘКТӘП УҠЫУСЫЛАРЫ ШАҒИРҘЫҢ ШИҒЫРҘАРЫН АВАР, РУС ТЕЛДӘРЕНДӘ ЯТТАН ҺӨЙЛӘНЕ. ВИДЕОЛАРҘЫ "БӘЙЛӘНЕШТӘ" СОЦИАЛЬ СЕЛТӘРЕНДӘ ҠАРАРҒА БУЛА. АНА ШУЛАЙ, БАЛАЛАР, ҺӘР КЕМ ҮҘ ТУҒАН ТЕЛЕН БЕЛЕРГӘ ТЕЙЕШ!

Рәсүл ҒАМЗАТОВ
АҠ ТОРНАЛАР
Ҡанлы яуҙан ҡайтмай ҡалған ирҙәр,
Әйтерһең дә, ергә аумаған.
Ул һалдаттар, аҡ торналар булып,
Осоп киткән зәңгәр һауаға.
Әле һаман ошо яугирҙәрҙең
Тауыштары килә алыҫтан.
Юҡҡамы ни, һауаларға ҡарап,
Күңелебеҙ тула һағышҡа.
Ҡанаттары талып, ҡош сылбыры
Оса таңда, оса кисен дә.
Шул сылбырҙа кескәй буш урын бар,
Ул буш урын минең өсөндөр!
Бер көн мин дә торна сылбырында
Юғалырмын инеп томанға.
Йәнем иңрәр моңһоу бер ҡош һымаҡ,
Ерҙәгеләр ғәзиз булғанға.
(Рауил Бикбаев тәржемәһе).
Читайте нас: