Рәсәй Президенты Владимир Путиндың бойороғо буйынса уңайлы ҡала мөхитен булдырыу буйынса иғлан ителгән конкурстың еңеүселәре араһында Башҡортостандан тәҡдим ителгән һигеҙ эш бар.
Сибай, Белорет, Дәүләкән, Благовещенск, Учалы, Баймаҡ Воскресенское, Йылайыр – Башҡортостандан тәҡдим ителгән ун бер район-ҡаланың ошо төбәктәре еңеүсе исеменә лайыҡ була.
Белорет ҡалаһы “Офоҡ аръяғына атла” ҡала мәҙәни паркы, Баймаҡ “Баймаҡ. Үҙгәреш еле” ҡала үҙәге мөхитен үҫтереү системаһы, Воскресенское “Воскресенский заводының арт-үҙәге”мәҙәни-туристик мөхите, Йылайыр “Йылайырҙы үҙгәртеү” тарихи-мәҙәни ауыл проекты, Дәүләкән “Тура һыҙыҡ. Дәүләкән урамдары ваҡыт арауығы аша” ҡаланың үҙәк өлөшөн төҙөкләндереү программаһы, шулай уҡ Благовещенск, Учалы, Сибай ошондай рухтағы проекттар тәҡдим иткән.