БЫНА ШУНДАЙ ГИМНАСТ ҠЫҘ БАР!

Бәләкәс ҡыҙ 2 йәштән бейеү түңәрәгенә теләп йөрөй. Был өлкәлә уның уңыштары ла күп. Маҡтау грамоталары, дипломдар, кубоктар – быға асыҡ дәлил. Киләсәктә киң билдәле яҡташыбыҙ Ләйсән Үтәшева кеүек гимнастка булырға хыяллана ул. Шуға ла яңы уҡыу йылынан һынлы гимнастика түңәрәгенә лә яҙылған. Әлегә Гөлнәзирә Интернеттан күнекмәләр эшләргә өйрәткән видеояҙмалар ҡарай, үҙенең һығылмалығын тикшерә.