Беҙҙең мәктәптә яҡшы, иркен бүлмәләр яҡты

Шундай матур мәктәптә уҡырға кәрәк яҡшы! “Әлифба”ның тәүге биттәрендәге Сафуан Әлибайҙың шиғыры беҙ һеҙгә һөйләйәсәк яңы мәктәптәр хаҡында яҙылған кеүек.

Балаҡатай районының Айҙаҡай, Өфө районының Жуково ауылдарында өр-яңы мәктәптәр уҡыусылар өсөн үҙ ишеген асты.

Айҙаҡайҙағы мәктәп районда ғына түгел, бөтә Башҡортостандағы иң матур белем усаҡтарының береһе. Бында балалар өсөн бөтә уңайлы шарттар булдырылған, уҡыусыларға һәм уҡытыусыларға йәмле, яҡты, иркен, заманса технологиялар менән йыһазландырылған кластар әҙерләнгән.

Мәктәптән алыҫ түгел балалар баҡсаһы ла төҙөлгән.

Жуково ауылындағы мәктәптең исеме лә бар – ул “Уңыш мәктәбе” тип йөрөтөлә. Бында дүрт йөҙгә яҡын бала белем аласаҡ. Ул өс блокка бүленгән – һәр береһендә башланғыс, урта, өлкән кластар белем ала.

Мәктәптә дәүләт телдәре – башҡорт һәм рус теленән тыш, татар, инглиз телдәре лә уҡытыла.

Төп уҡыу программаһынан тыш, бында өҫтәлмә белем биреү ҙә ҡаралған. Һәр шәмбе һайын мәктәптә ҡыҙыҡлы осрашыуҙар, сағыу, фәһемле саралар үтәсәк.

Айгөл ЙӘМИЛЕВА.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07