БАШҠОРТ ТЕЛЕНДӘ ҺӨЙЛӘШӘМ

НИ ӨСӨН МӘКТӘПКӘ ЙӨРӨЙҘӘР?Искәндәр беренсе класҡа уҡырға барҙы. Парта артына ултырғас, уҡытыусы апай балаларҙан: – Кем белә, ни өсөн мәктәпкә йөрөйҙәр? – тип һораны. Зөлфиә ҡулын күтәрҙе лә: – Уҡырға өйрәнер өсөн, – тип яуапланы. Нәркәс иһә: – Яҙырға өйрәнер өсөн, – тине.Байрас тигән малай ҙа: – Һанарға өйрәнергә! – тип өҫтәне. – Афарин, бөтәгеҙ ҙә дөрөҫ яуап бирҙегеҙ! – тип маҡтаны уҡытыусы апай уларҙы. Искәндәр тыңлап ултырҙы ла: – Апай, мөмкинме миңә өйгә ҡайтырға? – тип, тороп сыға башланы...