ӘКИӘТТӘ ҠУНАҠТА

БАЛАЛАР ИЖАДЫИКЕ АЙЫУИке айыу йәшәгән, ти. Береһенең исеме Һоробай, икенсеһенең Һарыбай булған. Осрашҡан ваҡытта гел бәхәсләшеп китер булғандар былар. Бер көндө икеһе ике яҡҡа еләк йыйырға сығып киткән. Баралар-баралар – еләк юҡ. Артабан баралар – һаман еләк юҡ. Шулай урап йөрөй-йөрөй торғас, Һоробай менән Һарыбай бер аҡланға барып сығып күҙгә-күҙ осрашҡандар, ти. Етмәһә, ҡыҙарып бешкән еләге лә бында күп икән. Ике айыу татлы емешкә талаша башлаған. Береһе: ”Еләк минеке”, – ти. Икенсеһе: “Минеке”, – ти. Шулай еләкте тапай-тапай, силәктәрен тултырмайынса, ҡайтып киткәндәр.

Бер көндө Һоробай менән Һарыбай урман мәктәбенә барған. Уларға ҡырҡҡа тиклем һанарға ҡушҡандар һәм икеһенә егермешәр таяҡса таратып сыҡҡандар. Һанайҙар-һанайҙар, ун һаны килеп сыҡҡан. Икенсегә һанайҙар – ун бишкә тулған. Шулай һанай-хисаплай торғас, таяҡсалары бөткән икән, ти. Ике айыу бер-береһе менән яңынан талаша башлаған. Береһе: ”Таяҡсалар минеке”, – ти. Икенсеһе: “Минеке”, – ти. Шулай талаша-талаша таяҡсаларҙы онтап бөткәндәр һәм егермегә тиклем генә һанарға өйрәнеп ҡайтып киткәндәр.

Ял көнөндә Һоробай менән Һарыбай майҙанға уйнарға сыҡҡан һәм ятҡан тупҡа талаша башлаған. Береһе: ”Туп минеке”, – ти. Икенсеһе: “Минеке”, – ти. Унда ырғыталар, тота алмайҙар. Бында ырғыталар, эләктерә алмайҙар. Шулай тупҡа талаша торғас, дуҫлашып киткәндәрен дә һиҙмәй ҡалғандар. Шунан бирле еләккә лә, мәктәпкә лә бергә йөрөй башлағандар, ти.

Эмиль ҠЫҘРАСОВ.

Учалы районы Ҡобағош ауылы.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07