Октябрьскийҙағы ҡала дауаханаһының хирургия комплексы 1951 йылда һалына.
Иҫкергән бинаны 2018 йылда үҙгәртеп ҡорорға ҡарар итәләр.
Ике йыл эсендә дауахананың нигеҙен нығыталар, ҡыйығын, кәрнизен яңырталар, күп урынлы палаталарҙа урындарҙы кәметеп, әҙ койкалыларға әйләндерәләр.
Тиҙҙән хирургия бүлегенә йыһаздар килтерәсәктәр, юғары технологиялы ультратауыш һәм эндоскопик диагностик ҡоролмалар урынлаштырасаҡтар, лифттар эшләй башлаясаҡ.