Дүртөйлө ҡала мәҙәниәт һарайы алдында мөғжизәле фонтан хасил булған – уның һыуы, әйтерһең дә, йәйғорҙоң ете төҫөнә мансылған. Баҡтиһәң, ҡараңғы төшкәс, һыу аҫтындағы яҡтыртҡыстар ярҙамында фонтан төрлө төҫтәрҙә балҡый икән.
Мәҙәниәт йорто алдындағы майҙан да күҙгә күренеп үҙгәргән: бында балалар өсөн уйын урындары, резина түшәлгән спорт майҙансыҡтары барлыҡҡа килгән, сәскәләр ултыртылған, эскәмйәләр ҡуйылған.