-21 °С
Болотло
75 лет Победы
Бөтә яңылыҡтар
Дөйөм мәҡәләләр
18 Июль 2020, 17:50

БАЛАЛАРҘАН ҮРНӘК АЛАЙЫҠ!

Ишембай районы Этҡол ауылының йәмле Һәләүек буйында һыу инеп ял итеүселәр бихисап. Олоһо ла, кесеһе лә шунда рәхәтләнә. Беҙ ҙә ҡыҙ һәм малайҙар менән йылға буйына йыш киләбеҙ. Бөгөн беҙ матур эштәр ҙә башҡарҙыҡ.

Сибай ҡалаһынан Тимур Вилданов һәм Рамаҙан Әлмөхәмәтов, Салауат ҡалаһынан Даниэль Шәмсетдинов, Алмас һәм Азат Байназаровтар ихлас күңелдән, ҙур теләк менән яр буйын, төрлө сүп-сарҙан таҙарттыҡ. Дуҫ малайҙар тәбиғәткә рәхмәттәрен ана шулай еткерҙе. Балалар: "Тәбиғәтте һәм һыуҙы ныҡ яратабыҙ, шуға таҙартабыҙ!" – ти.Тимәк, киләсәк быуын балаларына өмөт ҙур. Балаларҙа тыуған еребеҙгә ҡарата һөйөүҙе ошолай тәрбиәләйек. Каникул мәлендә беҙ балаларҙы – һыуҙағы хәүефтәрҙән, ә һыуҙы сүп-сарҙан һаҡлайыҡ!
Әлфиә Ғаяз ҡыҙы Вилданова.
Сибай ҡалаһы (тәрбиәсе).
Читайте нас в