Балаларҙың быйылғы йәйе ҡыҙыҡлы үтәсәк

Һәм быға һуңғы арала килеп тыуған хәлдәр ҙә ҡамасау түгел.

Балаларҙың йәйен лагерҙарһыҙ күҙ алдына килтереү мөмкин түгел. Әммә быйылғы эпидемиологик хәл арҡаһында уларҙың ойошторолоу-ойошторолмауы һаман һорау аҫтында ҡала килде.

Башҡортостан Хөкүмәтенең Премьер-министр урынбаҫары Фәнүр Йәғәфәров был мәсьәләгә асыҡлыҡ индерҙе:

“Миңә ата-әсәләр йәйге ялға ҡағылышлы күп һорауҙар бирә. Ҡыҙғанысҡа ҡаршы, эпидемиологик хәл арҡаһында беҙ йәнә мәктәп янындағы һәм ҡала ситендәге лагерҙарҙы асыуҙы кисектереп торорға мәжбүрбеҙ. Йәй ваҡытында балаларҙың шөғөлһөҙ ҡалыуын яҡшы аңлайбыҙ. Был ата-әсәләргә өҫтәлмә ҡыйынлыҡтар тыуҙыра”.

Проблеманан сығыу юлы шулай ҙа бар. 20 июлдән лагерҙар онлайн тәртиптә эшләй башлаясаҡ. Был тәжрибә йәй башында ҙур уңыш ҡаҙана, Башҡортостандан ғына түгел, Рәсәйҙең Краснодар, Төмән, Силәбе, Свердлов өлкәләренән, Татарстан республикаһынан, Ямал-Ненец округынан 89 меңдән ашыу бала онлайн-сменаларҙа ҡатнаша.

Онлайн лагерҙа ял итеү бушлай, интернет ҡына булһын.

Балалар өсөн бизнес-проекттарҙың презентациялары, квиз-плиздар, челленджтар, ярыштар буласаҡ. Шулай уҡ “Уңышлы балалар мәктәбе”, кибер-спорт буйынса ярыштар, “Эшлекле этикет”, “Халыҡ алдында сығыш яһа” модулдәре, “Республикабыҙ брендтары” проекты сиктәрендә балаларҙың ижади сығыштары булдырыласаҡ.

Был йәһәттән тулыраҡ мәғлүмәт һәм тәғәйен һылтанмалар һуңыраҡ буласаҡ.

Айгөл ЙӘМИЛЕВА.

Фото: “Фейсбук”

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07