Әсәй, әйҙә мәтрүшкә йыйырға!

Йәй апайыбыҙ бигерәк йомарт инде! Урман-ҡырҙарҙа, баҡсаларҙа тәмле емеш-еләктәр һутланышып ултыра! Етмәһә, Башҡортостаныбыҙҙа бик күп төрлө дарыу үләндәре үҫә!..

Мәтрүшкә күп йыллыҡ үлән үҫемлек, бейеклеге 30-80 см. Мәтрүшкә ҡорораҡ ерҙә, урман ситендә, тау биттәрендә, йылға ярҙарында үҫә. Был үлән Башҡортостанда киң таралған.

Элек-электән уны дарыу үләне булараҡ файҙаланғандар. Ҡышҡы һыуыҡтарҙа, йүтәлләгәндә, сәй итеп эсеү бигерәк тә шифалы.

Ҡышҡылыҡҡа һаҡлар өсөн 20-30 сантиметр оҙонлоҡта ҡырҡып алып, өй ҡыйығында йәки яҡшы еләтелгән бинала киптерәләр. Бәйләме менән һаҡлағанда — бер йыл, ваҡлап, ныҡ ябылған үтә күренмәҫ һауытта тотһаң, өс йылға тиклем яраҡлы була.

Мәтрүшкәнең файҙаһы ифрат ҙур. Уны ҡан баҫымы юғары булғанда, атеросклероздан, һалҡын тейгәндә һәм башҡа осраҡтарҙа ҡулланалар. Хуш еҫле үҫемлекте баш ауыртҡанда эсәләр һәм йоҡоһоҙлоҡтан яфаланғанда ла файҙаланалар, төнәтмәһе менән баш йыуалар. Теш һыҙлағанда ла мәтрүшкәне сәйнәйҙәр.

Читайте нас:

Новости партнеров

Владимир Путин поздравил жителей Башкирии и её столицы с 450-летием Уфы

Владимир Путин менән Радий Хәбиров эш осрашыуы үткәрҙе

"Спорт - милләтара диалог һәм тынычлыкны ныгыту коралы"

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы