Һаҡланайыҡ замана киҙеүенән!

“Тажлы киҙеү” хаҡында һуңғы мәғлүмәттәр билдәле, хөрмәтле ата-әсәләр, олатай-өләсәйҙәр! Ошоға бәйле ултырышты Башҡортостандың Һаулыҡ һаҡлау министры урынбаҫары Ирина Кононова алып барҙы. Бөгөн республикала 5686 кеше был сир менән ауырый, шуларҙың 48-е ошо тәүлектә генә теркәлгән. Әлеге мәлдә дауаханаларҙа 416 кеше дауаланыу курсы үтә, 29-ы – ҡаты ауырыу, 7 кеше хатта үпкәләрҙе елләтеү аппаратына тоташтырылған.Амбулатор дауалауҙы 1802 кеше ала, улар еңелсә генә ауырый. Уҙған тәүлектә 59 кеше шәбәйеп сыҡҡан, үлем осраҡтары теркәлмәгән. Әммә сир тарала башлағандан алып, төбәктә 19 ауырыуҙың яҡты донъя менән хушлашыуы билдәле. Киҙеү башланыу менән республикала 3363 кеше дауаланыу курсы үткән.