Бөгөн Башҡортостандың халыҡ шағиры Абдулхаҡ Игебаевтың тыуыуына 90 йыл тула

"Ул һәр саҡ тыуған яғын, атайсалын яратты, йыл һайын ҡайтып, Аҡма, Төпкөл шишмәләренең шифалы һыуын эсеп, Йәнтәл, Күсем ташын, Йәнгүҙәйгә һоҡланып, күңеленә илһам һәм дәрт алып ҡайтыр ине. Шуға күрә быйылғы туғандар менән сәйәхәтте лә тап ул йөрөгән һуҡмаҡтарҙан үтеп, ижадын байҡап, Игебай вариҫтарына олаталарының ижадына ҡарата һөйөү һәм ғорурлыҡ тойғоһо тәрбиәләү маҡсаты ҡуйҙыҡ. Ниәтебеҙгә лә ирештек. Саҡырыуымды ҡабул итеп Сибайҙан, Баймаҡ, Әбйәлил райондарынан, Магнитогорск ҡалаһынан туғандар йыйылды. 60-ҡа яҡын апай-һеңлеләр, ағай-еңгәйҙәр, һеңле-кейәүҙәр, уларҙың бала-сағалары, ейән-ейәнсәрҙәренән Ирәндек буйы гөрләп торҙо. Иң олоһо Зәйләғи ағайға – 73 йәш булһа, иң бәләкәй Искәндәргә ни бары 10 айҙа тулмаған.Иҫәнбәт ауылында йәшәгән. Ишһылыу еңгәй менән Мансур ағайға ҙур рәхмәт! Мансур ағай Йәнгүҙәйгә юл күрһәтте, гид ролен бик ихлас башҡарҙы”, – тип кисерештәре менән уртаҡлашты журналист Кәримә Усманова."