-23 °С
Болотло
75 лет Победы
Бөтә яңылыҡтар
Дөйөм мәҡәләләр
1 Июль 2020, 14:40

Балалар өсөн ҙур майҙансыҡ – “Бейеүсе торналар” эргәһендә

“Имәнкәйҙәр” скверында совет осорондағы Өфөнө биҙәгән “Бейеүсе торналар” фонтаны яңартылып, асылды. Ул 1970 йылда төҙөлгән булған. Оҙаҡ йылдар Өфөнөң был киң билдәле урыны ташландыҡ хәлдә ине һәм бына, ниһайәт, баш ҡалабыҙға килгән урбанистика форумында ҡатнашыусылар тәүгеләрҙән булып был фонтан эргәһенә йыйылды.

“Был урынды өфөлөләр осрашыу урыны итеп билдәләгән, ғаиләһе менән фотоға төшкән, балалары менән йөрөгәндәр. Бөгөн популяр фонтан заманса йөҙ алды – ул хәҙер Өфөләге тәүге яҫы фонтан. Ул йәнә лә өфөлөләрҙе тартып торған мәҙәни урынға әйләнәсәгенә ышанам. Унда беҙ балалар өсөн ҙур майҙансыҡ эшләнек, урам тренажерҙары, велопарковка ҡуйҙыҡ, Wi-Fi үткәрҙек, өҫтәмә ағастар ултырттыҡ. “Торналар янында осрашырбыҙ” фразаһы Башҡортостан баш ҡалаһы халҡының телмәренә яңынан әйләнеп ҡайтырына шигем юҡ”, – тине Республика Башлығы Радий Хәбиров.
Ҙур, матур майҙансыҡты килеп күрегеҙ, балалар!
Фото "Башинформ"
Читайте нас в