Ул әҙәбиәткә балалар тураһында яҙып аяҡ баҫты!

Республика Башлығы Радий Хәбиров хеҙмәт алдынғыларына дәүләт наградалары тапшырҙы. Улар араһында әҙәбиәткә балалар тормошон яҙып аяҡ баҫҡан прозаик Айгиз Баймөхәмәтов тә бар. Айгиздең тәүге киң билдәле китабы “Ҡалдырма, әсәй!” тип атала, һәм унда Ильяс образында автор шәхси кисерештәрен, балалар йортондағы көнитмешен һүрәтләй. Был китап бик күп төрки телдәрҙә тәржемә ителеп, баҫылып сыҡты.