Рәхмәтле булайыҡ!

Нияз менән Ғайсар урамда туп уйнап йөрөйҙәр ине. Ҡапыл етеҙ туп кесерткән араһына тәгәрәп инде лә китте. Ғайсар аптырап торған арала, Нияз ҡайҙандыр оҙон таяҡ табып, шуның менән тупты тартып та сығарҙы. Ҡыуанышып, ике дуҫ тағы ла уйындарын дауам итте.

Өйгә ингәс, Ғайсар ошо хәлде өләсәһенә һөйләп бирҙе.

— Ә һин Ниязға рәхмәт әйттеңме һуң? — тип һораны өләсәһе.

— Юҡ...

—Ә нишләп әйтмәнең?

— Әлләсе...

— Бәй?.. Шулай яраймы ни? Беҙгә изгелек эшләйҙәр икән, мотлаҡ рәхмәтле була белергә тейешбеҙ бит. “Рәхмәт” шундай матур һүҙ ул, балам. Ҙур көскә эйә үҙе... Ғөмүмән, беҙҙең туған телебеҙ бик бай, наҙлы һәм яғымлы, һәр бер һүҙе аҫыл ташҡа бәрәбәр,— тине өләсәһе.

— Эйе шул, өләсәй. Үҙ телемдә һөйләшеүем менән мин дә сикһеҙ ғорурланам! Апайҙарым кеүек мәктәптә лә башҡорт телен ныҡлап өйрәнермен әле, — тине Ғайсар.

— Бынан һуң рәхмәт әйтергә онотмаҫмын инде. Әсәйемә тәмле аштары, бәлештәре, һиңә йылы ойоҡбаштар өсөн... — тип теҙеп алып китте малай.

— Үҙеңә рәхмәт, балам, шулай итәғәтле булғаның өсөн! Аҡыллы, тәүфиҡлы булып үҫегеҙ барығыҙ ҙа! — тиеп ейәндәренең һәр береһенең арҡаһынан һөйөп алды ҡәнәғәт өләсәй.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07