-18 °С
Болотло
75 лет Победы
Бөтә яңылыҡтар
Дөйөм мәҡәләләр
26 Декабрь 2019, 15:00

Инсан чемпион булған

Өфө районының Шамонин ауылының “Аҡбуҙат” балалар баҡсаһы тәрбиәләнеүсеһе, әле дүрт кенә йәше тулып килгән Инсан Йәһүҙин исемле шуҡ малай яңы йыл иртәлектәренә килгән сикһеҙ “сысҡандар”, “айыуҙар”, “төлкөләр”, “бүреләр” араһында айырылып тора, шуға ла уны һәм әсәһе Рәлиә Рәшит ҡыҙын яңы йыл иртәлектәре чемпионы тип атарға ла була.

Инсандың әсәһенең юҡҡа ғына ҡул оҫтаһы тигән даны сыҡмаған шул. Ул улына сысҡан костюмын үҙе бәйләп кейҙергән. Ғөмүмән, был ғаиләлә үҙ ҡулдарың менән эшләнгән әйбергә еткәне юҡ, ул ҡул йылыһын һаҡлай һәм үҙенсәлекле, донъяла берҙән-бер генә була тип, магазиндан алынған масс-маркет нәмәләренә бик өҫтөнлөк биреп бармайҙар. Инсандың былтырғы иртәлеккә кейгән бәләкәс ҡыш бабай кейеме лә – әсәһенең эше. “Әсәйем беҙҙе лә бәләкәй саҡта яңы йыл байрамдарына гел үҙе теккән костюмдар менән һөйөндөрҙө. Мин дә ошо йоланы тотам”, – ти Рәлиә Рәшит ҡыҙы.
Дуҫтар, ә һеҙ ҡыш бабай менән осрашыуға быйыл ниндәй костюмдар әҙерләнегеҙ, беҙгә яҙып ебәрегеҙ. Иң шәп, ҡыҙыҡлы һәм үҙенсәлекле костюм хужаһын иҫке яңы йылға беҙҙән бүләк көтә.
Читайте нас в