Йәсмин яңы еңеүен әсәһенә арнаған

Художестволы гимнастика менән шөғөлләнгән Өфө ҡыҙы Йәсмин Ғәниеваның уңыштары хаҡында быға тиклем дә яҙғайныҡ инде. Кисә һигеҙ йәшлек Йәсмин һылыу Рәсәйҙең баш ҡалаһында йәнә еңеү яуланы. Ул Мәскәүҙә уҙған “Көҙгө карнавал” тип аталған асыҡ турнирҙа икенсе урынға лайыҡ булды. “Был еңеүемде мин әсәйем Алина Айҙар ҡыҙына бағышлайым”, – ти бәләкәс йондоҙ.