Итле, кактуслы туңдырма ла була

Туңдырма – бик боронғо тәғәм, уның дүрт мең йыллыҡ тарихы бар. Боронғо Ҡытайҙа, Моғол илендә һәм Римдә боҙ, ҡар ҡушып эшләнгән тәмлекәстәр тик байҙарға ғына эләккән. Ә уның рецебын батша ашнаҡсылары бер кемгә лә өйрәтмәгән. Ә хәҙер теләгән бер кеше үҙенә оҡшаған төр туңдырманы һатып алып һыйлана ала. Туңдырманы элек тик һөттән генә яһамағандар, мәҫәлән, эскимос халҡының боронғо ризығы акутак туңған еләк, ит һәм ҡыртыш майы ҡушып эшләнгән.

Туңдырманы вафлинан эшләнгән һауытҡа, дөрөҫөрәге стаканға һалып һатыу йолаһы йөҙ йылдар самаһы элек Италияла барлыҡҡа килгән. Ә рожок тип йөрөтөлгән мөгөҙгә оҡшаған һауытта туңдырма һатыуҙы иһә 1904 йылда Эрнест Хамви тигән кеше уйлап сығарған. Ул йәрминкәлә вафли мөгөҙҙәре һатып торғанда туңдырма һатҡан күршеһенең һауыттары бөткән дә, Эрнест уға үҙенең вафли мөгөҙҙәрен тәҡдим иткән. Тәмле мөгөҙ эсенә һалынған туңдырма кешеләргә шул тиклем оҡшаған, оҙон сират теҙелеп киткән. Быны күреп Эрнест Хамви тиҙҙән вафли мөгөҙҙәрен туңдырма өсөн махсус рәүештә күпләп бешерә башлаған, хатта вафли мөгөҙҙәре сығарған фабрика асып ебәргән.

Хәҙер туңдырманың ниндәй генә төрҙәре юҡ, вафли стакандағыһы, вафли мөгөҙҙәгеһе, шоколад тышлы эскимо, һанаһаң бармаҡ та етмәҫ. Ә бөгөн донъялағы иң сәйер туңдырмаларҙы Японияла һаталар. Ышанаһығыҙмы, юҡмы, әммә япондар кактус, һигеҙаяҡ, ҡыҫала, ыҫланған тауыҡ ҡанаты, хатта сей йылҡы ите тәме сығып торған туңдырмаларҙы ярата икән.

Гөлнара Хәлфетдинова.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07