“Ҡулда – йәйә, алда – маҡсат”, – ти Туймазы балалары

Биш-ун йылдар самаһы элек кенә әле уҡ атыу башҡорттоң онотолған һөнәре тип иҫәпләнә ине. Ә хәҙер Башҡортостанда айына бер нисә тапҡыр уҡтан атыу турнирҙары үтеп тора. Тимәк, теләк булғанда юғалғанды кире ҡайтарырға ла, онотолғанды йәнә тергеҙергә лә була. Уҙған аҙнала “Без башҡортлар” хәрәкәте һәм “Ягуар” казактар һағы ойошмалары ярҙамында Туймазы районы балалары өсөн уҡтан атыу буйынса оҫталыҡ дәрестәре үтте.