-4 °С
Болотло
Бөтә яңылыҡтар
Дөйөм мәҡәләләр
12 Октябрь 2019, 17:20
Бесәй тураһында кескәй шиғырҙар
Маникюр эшләтәм тип Тырнаҡ үҫтереп ята
1. Көн һайын үлсәй-үлсәй
Ҡойроҡ үҫтерә бесәй.
Донъялағы бар йәнлектән
Ҡупшы булырға теләй.
2. Бесәй аяҡҡа һырылып,
Һөт өмөт итеп ҡырлай.
Һөт эсерһәң рәхмәт әйтеп
Бесәйсә йырын йырлай,
Йырламай инде, мырлай.
3 . Иркә инде бесәйем,
Сысҡан да тотмай хатта.
Маникюр эшләтәм тип
Тырнаҡ үҫтереп ята.
4. Бесәйем минең текә,
Донъянан артта ҡалмай.
Экрандағы сысҡандан
Күҙен дә ала алмай.
5. Бер генә һүҙ белә: мыяу,
Бесәйем наҙан.
Мәктәпкә лә йөрөмәгәс
Өйрәнһен ҡайҙан?
6. Гелән бер үк кейемдә
Бесәйемә бик ҡыйын.
Кейгеһе килә уның да
Яңы күлдәк көн һайын.
7. Иртән уянғас бесәй
Кирелеп ала башта.
Һөт эскәс тышҡа сыға,
Ҡыҙынырға ҡояшта.
Гөлнара Хәлфетдинова шиғырҙары.
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07