Апуш / Фәрзәнә Ғөбәйҙуллина

Апуштың теше һыҙлай,

Малай илай ҙа илай.

Дуҫын йыуатайым тип

Эте битенән ялай.

Атаһы болдорға сығып:

- Улым, Абдулла, — тине, —

Егеткә илау килешмәй,

Бик оят була, — тине. —

Әйҙә, улым, атҡа менеп,

Беҙ яланға барайыҡ,

Сабынлыҡты ҡарайыҡ,

Бесәнен дә сабайыҡ.

Әсәһе саҡыра: — Улым,

Беҙ табибҡа барайыҡ,

Тешеңде лә һурҙырайыҡ,

Булмаһа, дауалайыҡ.

- Теш һыҙламай ҙа әле, — тип,

Йүгәнләп алып атты,

Атаһы менән тиҙерәк

Апуш яланға сапты.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07