Ул ҡара төҫтә, ләкин уның муйыны һәм түше аҡ төҫтә була. Ҡойроғо бик ҡыҫҡа. Һыу турғайҙары Башҡортостанда Ағиҙел, Ҡариҙел, Инйәр йылғалары буйында күп осрай. Ҡышҡы сатлама һыуыҡтарҙа был ҡоштар бик интегәләр. Был ваҡыт сылтырап аҡҡан тау йылғалары туңа, уларҙы ҡар баҫа. Турғайҙар өсөн аҙыҡ та, һыу ҙа бөтә. Улар күпләп һәләк булалар. Турғайҙарға ҡыш көнө ярҙам итергә кәрәк. Бының өсөн йылғаларҙа мәкеләр уйырға, тағараҡтарға ем һибергә кәрәк.