+8 °С
Болотло
Бөтә яңылыҡтар
Былар ҡыҙыҡлы
15 Август 2021, 08:52
Бал ҡорто йыры.
* * * Ал сәскәгә ике бал ҡорто килеп ҡунды. Улар кинәнеп татлы һут йыйырға тотондо. - Һин ҡайһы умарталыҡтан, эй, күрше? - тине береһе, һүҙ башлап. - Мин - Солоҡ ҡорто, тауҙағы ҡарағай ҡыуышында йәшәйем. - Семәрле умартағыҙ юҡмы әллә? - тип ғәжәпләнде Умарта ҡорто.
Бал ҡорто йыры.
- Беҙ - ирекле. Беҙ - ҡырағай. Беҙгә кеше хужа булып өлгөрмәгән әле. Беҙ-беҙ-беҙ.
- Һинең кемдәрең бар у-у-ул?
- Әсәйем - Инә ҡорт.Туғандарым бик күп. Ялҡау һоро ҡорттар ҙа юҡ түгел, - тип безелдәне солоҡ ҡорто.
- Минеке лә шулай. Туғандарым күп булғас, умарта эсендә мин бер кемдән дә ҡурҡмайым. Айыуҙан ғына шөрләйем. Ул бит, бал ашарға тип, умартаны емерә. Һеҙгә ни бейектә, ағас башында, айыуҙан ҡурҡырға түгел инде.
- Эй, безелдәнең бер хәбәр, - тине Солоҡ ҡорто. - Айыу ағасҡа ла шәп үрмәләй ул. Шул кәкре аяҡ, тәмле тамаҡ арҡаһында күсебеҙ әллә нисә оя алмаштырҙы. Беҙ бит ул ағас та ҡышлайбыҙ ҙа.
- Ә нисек өшөп үлмәйһегеҙ? - тип төпсөндө Умарта ҡорто.
- Беҙ сыныҡан инде...
Ә һин, дуҫым, солоҡ ҡорттары Башҡортостандың Бәрйән яҡтарында, йәғни ошо тау-болондарҙа, ғына йәшәгәнен беләһеңме? Беҙҙе һаҡларға кәрәк, вәт!
"Аҡбуҙат" журналынан.
Читайте нас:
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07