Ҡыҙҙарын кеше йәшәмәгән утрауға алып барып ташлағандар

Ҡытайҙың Шаньдун провинцияһында насар тәртибе өсөн атай менән әсәй 13 йәшлек ҡыҙҙарын кеше йәшәмәгән утрауға алып барып ташлаған. Был хаҡта NewsBeezer сайты хәбәр итә.

Ҡыҙҙың ярҙам һорап ҡысҡырғанын бер балыҡсы ишетеп ҡала. Полицияға хәбәр итә. Үҫмер был утрауҙа ике көн үткәргән була.

Полиция хеҙмәткәрҙәре ҡыҙҙы өйөнә алып бара. Ата-әсәһе үҙҙәренең был ҡылығын ҡыҙҙарының өйҙә ярҙам итмәгәне, насар уҡығаны, һуңғы сиктә мәктәпте ташлағаны өсөн эшләгәнен һөйләп бирә. Бындай тәрбиә алымын кәрәкле тип һанай улар. Ә утрауға ебергәндә баланы һыу һәм аҙыҡ менән тәьмин итеүҙәрен әйтәләр.  

Полиция ҡыҙҙың ата-әсәһен баланы тәрбиәләгәндә экстремаль алым ҡулланғандары өсөн тәнҡитләй һәм уларҙан үрнәк алмаҫҡа саҡыра.