-3 °С
Болотло
VK
Бөтә яңылыҡтар
Бәпембә
20 Август 2021, 08:14

Уятҡыстар.

* * *  Тор, тор балам, тор, балам, Тор-торҙарҙан хәбәр килгән...   Уятҡыстар   Тор, бәпесем , алтыным, Йөрәгемдең аҫылы. Ҡояш нурҙары менән Бәхеттәрең асылһын.

Уятҡыстар.
Уятҡыстар.
 
* * * 
Сәстәрең ҡамыш булһын,
Кәүҙәләрең зифа тал.
Ҡояш менән бәхет килә,
Таң нурҙарын күреп ҡал.
* * * 
Ҡояш менән бергә тор,
Ҡояштан да асыҡ бул.
Елпелдәп йөрө елдәй,
Бәхетең булһын күлдәй.
* * * 
Үҫә-үҫә, бәпкәйем,
Үҫә-үҫә ҙур була.
Ҡояш кеүек һөйкөмлө,
Үҙе һүҙгә йор була.
* * * 
Ҡояш сыҡты, ай байыны,
Уянырға ваҡыт етте.
Уян, бәпкәм, уян, бәпкәм,
Уянырға ваҡыт етте.
* * * 
Тор, тор, балам, тор, балам,
Тор-торҙарҙан хәбәр килгән,
Суҡ-суҡ һиңә хәбәр килгән,
Тор, тор, балам, тор, балам.
 
"Балалар фольклоры" китабынан.
Автор:Миләүшә Ғәйфуллина
Читайте нас: