+26 °С
Болотло
VK
Бөтә яңылыҡтар
Бәпембә
19 Август 2021, 07:08

Уятҡыстар

 Тор, тор балам, тор, балам,Тор-торҙарҙан хәбәр килгән...* * *   Таң, таң ата, таң ата, Һағышлы ай ҙа бата. Ҡояш нурына күмелеп, Бәпкәйем йоҡлап ята.

Уятҡыстар
Уятҡыстар
 
* * * 
Уян, балам, тиҙ уян,
Ҡасып китте төн - ҡуян.
Йомшаҡ ҡына сәстәреңдән
Һөйөп, иркәләп ҡуям.
* * * 
Төн пәрҙәһе асылды,
Яҡты нурҙар сәселде.
Тор, балаҡай, битең йыу,
Тарап алсы сәсеңде.
* * * 
Алтын, алтын, алтыным,
Минең йөрәк ялҡыным.
Уян, бәпкәм, күҙ нурым,
Ҡояш булып балҡырмын.
* * * 
Үтеп китте ҡара төн,
Алда яҡты, матур көн.
Бәхетле булһын таңың,
Әйҙә, балам, уйнап-көл.
* * * 
Ҡояш менән бергә тор,
Ялҡау булма, уңған бул.
Ҡояш нурҙары менән
Бәхеттәрең асылһын.
 
("Балалар фольклоры" китабынан.)
Автор:Миләүшә Ғәйфуллина
Читайте нас: