+18 °С
Болотло
VK
Бөтә яңылыҡтар
19 Июнь 2021, 17:05

"Аҡбуҙат" журналы Түңгәүер ырыуы балалары менән осрашты

Бөгөн Түңгәүер ырыуы башҡорттары Хәйбулла, Йылайыр, Баймаҡ, Әбйәлил райондарында йәшәй."Аҡбуҙат" журналы ырыу балалары менән Йылайыр районының Ҡашҡар мәктәбендә осрашыу ойошторҙо. Унда Юлдыбай, Йылайыр, Ҡашҡар мәктәбе уҡыусылары ҡатнашты.Борон замандарҙа был ауыл ерлегендә Түңгәүер ырыуы башҡорттары йәшәгән. Бөгөн дә бында уларҙың вариҫтары көн итә."Аҡбуҙат" журналы редакцияһы Бөтә донъя башҡорттары ҡоролтайы тарафынан ойошторолған Ырыуҙар йыйыны һәр төбәктә балалар менән күрешеп, үҙ тарихыбыҙ хаҡында һөйләне.Сара сиктәрендә баҫманың баш мөхәррире Лариса Абдуллина балаларға баҫма тарихы еткерҙе. "Башҡортостандың һәр кескәй гражданы туған телен, шәжәрәһен, тарихын һәм динен белергә тейеш. Ул һеҙҙе көслө һәм аҡыллы, рухлы һәм иманлы итәсәк!" - тине ул.Артабан балалар журналдың художество мөхәррире Майя Ҡәйүмова менән бергә Түңгәүер ырыуының ҡошо һайыҫҡанды төшөрҙө. Еңеүсе - 9 йәшлек Элина Иҫәндәүләтова һүрәте. Рәсем журналда баҫыласаҡ. Уҡыусыларға лагерҙа ҡарарға "Урал батыр" йәнһүрәте тәҡдим ителде.Осрашыуҙа уҡыусылар туған яҡ буйынса белемдәрен күрһәтте.Һүрәттәр, фотолар журналдың сайтында һәм башҡа социаль селтәрҙәрҙә баҫыласаҡ.Бөгөн Ҡашҡар мәктәбендә 55 бала белем ала, улар башҡорт телен туған тел булараҡ өйрәнә. Сарала райондың мәктәп йәйге лагерына йөрөгән балаларҙан бер төркөмҡатнашты. Раян Иҫәкәев, Әнисә Рафиҡова, Нәғим Нәҙерғолов, Регина Хажиева, Нәркәс Юланова, Артур Иҫәкәев һүрәттәре лауреат исеменә лайыҡ булды.

Йылайыр районында башҡорт халҡының арҙаҡлы ул-ҡыҙҙары тыуған. Балалар төбәктең билдәле шәхестәрен белеп үҫергә тейеш. Беҙ балаларҙы үҙебеҙҙең алыҫ заттар миҫалында тәрбиәләргә бурыслы. Беҙ һәр осрашыуҙа уҡыусыларға әйтәбеҙ. Нимәһе ҡыуаныслы, улар данлы яҡташтарын яҡшы белә булып сыҡты. Афарин, балалар! Һеҙҙең менән осрашыуға тағы килербеҙ әле!
Читайте нас: