-3 °С
Ҡар
Бөтә яңылыҡтар
АЗАМАТТЫҢ АТЫ АРЫМАЙ. ХИКӘЙӘ
ГӨЛНУР ЯҠУПОВААзамат әрәмәлеккә барып, үҙенә лә, ҡустыһы Салауатҡа ла тал сыбығы һындырып алды.— Әйҙә, ат сабыштырып уйнайыҡ!— Һин үҙеңә гел яҡшыраҡ сыбыҡты һайлайһың да, мин артта ҡалам, - тине Салауат.— Алмашайыҡ, улайһа, йәме.— Йәме.— Исем дә ҡушайыҡ. Минеке – Алмасыуар!— Ә минеке – Күк Толпар!Малайҙар тал сыбыҡтарына атланып, саң борхотоп, ауыл осона юрғалап киттеләр.— Һыу инеп ҡайтабыҙмы бер юлы? – тип һораны Азамат ҡустыһынан, йылға яғына ымлап.— Инәбеҙ, инәбеҙ!Йән-фарманға сабып килеп туҡтанылар ҙа тал сыбык арғымаҡтарын яр буйында ҡалдырып, ....
Азамат төпкөлдәрәк бер төркөм үҫмер малайҙарҙың ат һуғарғанын күреп ҡалды. Бәй, ул да Алмасыуарын йөҙҙөрөп алһын әле. Йүгереп барып тал сыбығын һыуға алып төштө, япраҡтарын сайҡатты. Теге аттарға оҡшатып, Алмасыуарҙы бышҡыртып-бышҡыртып алды. Бөрөшкән тал япраҡтары асылып, терелеп китте, әйтерһең дә, арғымаҡтың ялтырап торған көмөш ялдары! Ә Салауаттың Күк Толпары ярҙа хәле бөтөп тора бирҙе. Ағаһынан күрмәксе, атын һуғарһа була ине лә, иренде шул.
— Әйҙә, бәйгене дауам итәбеҙ! – Азамат йылҡылдап торған Алмасыуарға атланып сабып китте. Салауат Күк Толпарын башта танымай торҙо, ҡатып, бәләкәсәйеп ҡалғайны ул. Шунан ағаһын ҡыуа төштө. Әммә етә алманы.
— Әйттем бит, һин үҙеңә шәберәк атты һайлағанһың, тип. – Салауат илар сиккә етеп тағы үпкәләне.
— Әллә, күрмәнеңме, мин атымды һыуҙа йөҙҙөрҙөм, аҙаҡ күләгәгә алып барып ҡуйҙым, ә һинең Толпарың ҡояшта әлһерәп торҙо…
Ағаһының был һүҙҙәренә ҡаршы Салауат бер ни ҙә әйтә алманы. Сөнки, өләсәһе әйтмешләй, дөрөҫ һүҙгә яуап юҡ.
— Әйҙә, бәйгене дауам итәбеҙ! – Азамат йылҡылдап торған Алмасыуарға атланып сабып китте. Салауат Күк Толпарын башта танымай торҙо, ҡатып, бәләкәсәйеп ҡалғайны ул. Шунан ағаһын ҡыуа төштө. Әммә етә алманы.
— Әйттем бит, һин үҙеңә шәберәк атты һайлағанһың, тип. – Салауат илар сиккә етеп тағы үпкәләне.
— Әллә, күрмәнеңме, мин атымды һыуҙа йөҙҙөрҙөм, аҙаҡ күләгәгә алып барып ҡуйҙым, ә һинең Толпарың ҡояшта әлһерәп торҙо…
Ағаһының был һүҙҙәренә ҡаршы Салауат бер ни ҙә әйтә алманы. Сөнки, өләсәһе әйтмешләй, дөрөҫ һүҙгә яуап юҡ.
Читайте нас:
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07