ҠАЙЫН БӨРӨҺӨ

Яҙ етһә, бәләкәй саҡта үҙебеҙҙән өлкән ҡыҙҙарға эйәреп ҡайын бөрөһө йыйырға йөрөгән саҡтар иҫкә төшә лә тора. Бер шырпы ҡабы бөрө йыйыр өсөн көнө буйы урманда йөрөп ҡайта торғайныҡ. Урман һауаһын һулау, йәйәүләп әллә күпме юл үтеү үҙе үк ҙур файҙа булған! Ул бөрөләрҙе нимә эшләткәнбеҙҙер, бер ҙә хәтерләмәйем...

Иптәшем, беҙ дарыуханаға йыйып тапшыра торғайныҡ, ти, бәлки беҙ ҙә шулай иткәнбеҙҙер. Ул үҙе бөрө йыйыу буйынса гел беренсе урынды алған. Бик хәйләкәр булып сыҡҡан ул: ауылдағы күрше малайҙарҙы йыйып алып барған да йәһәт кенә “йыйып” та алған!)))

Ә ҡайын бөрөһөнөң файҙаһы ҙур. “Ҡайын бөрөләре апрелдең тәүге яртыһында бүртеп тулышҡан, әммә япраҡ ярырға өлгөрмәгән мәлдә өҙөлә, ҡоро урында киптерелә, һаҡлау ҡәҙимгесә. Дөрөҫ һаҡлағанда яҡшы киптерелгән ҡайын бөрөләре 2 йыл буйы шифаһын юғалтмай, - тиелә Варис Ғүмәровтың “Тыуған яҡтың шифалы үҫемлектәре” китабында.

Ҡайын бөрөһө микробтарға ҡаршы көрәшеү, ҡанды туҡтатыу, яраны бөтәштереү үҙенсәлегенә эйә, көслө бәүел һәм үт ҡыуыу сараһы булараҡ ҡулланыла.

Төнәтмәне әҙерләү:

2 балғалаҡ кипкән ҡайын бөрөһөн 1 стакан ҡайнар һыуға һалып, өҫтө ябыҡ килеш йылы урында 20-30 минут тоторға кәрәк. Төнәтмәне көнөнә 3 тапҡыр, ас ҡарынға, 1 аш ҡалағы эсергә.

Тамаҡ ауыртҡанда ике ҡалаҡ ҡайын бөрөһөнә 50 г аҡ май ҡушып болғатырға һәм талғын утта бер сәғәт тоторға. Йылы килеш һөҙөп алып, 0,2 г шыйыҡ бал ҡушып бутарға. Көнөнә дүрт тапҡыр берәр ҡалаҡ эсергә.

Ҡайын бөрөһөнөң әсеһе күп кенә паразитҡа оҡшамай. Биш-ете бөрөгә бер стакан һыу ҡойоп, яҡынса 20 минут ҡайнатырға. Һыуынғас һөҙөп, тәүлегенә өс тапҡыр яртышар стакан эсергә. Дауаланыу курсы – өс аҙна.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07