КӨЛӨП АЛАЙЫҠ ӘЛЕ!

Юнир САЛАУАТОВКӨЛДӨРГӨСТӘРКЕМДЕ ЯРАТА?- Хәйҙәр, кемде күберәк яратаһың, олатайыңдымы, әллә өләсәйеңдеме?- Олатайымды!- Ниңә?- Сөнки ул да, мин дә малай.БЕЛӘ— Улым, һиңә бер һорау бирергә мөмкинме? — тип һораны олатаһы биш йәшлек ейәне Мусанан.- Юҡ, кәрәкмәй. Мин барыһын да беләм, — тине ул.

МЫЙЫҠ

Балалар баҡсаһынан ҡайтышлай Муса троллейбусҡа бик иғтибар менән ҡараны. Шунан өләсәһенә:

— Бесәйебеҙҙең дә, олатайыбыҙҙың да мыйығы танауы аҫтында, ә троллейбустыҡы башына үҫкән, — тип ҡуйҙы.

КӨТӘЛӘР

Балалар баҡсаһындағы ҡомлоҡта уйнап йөрөгән Әлфир, үҙен алырға килгән әсәһенең ҡапҡанан ингәнен күреп ҡалып:

— Мин ҡайтам, өйҙә ҡатыным да, балалар ҙа көтә, магазинға инеп аҙыҡ-түлек алаһы ла бар, — тине иптәш малайҙарына.

УЛАР ЙОҠЛАЙ

Муса атаһы менән күлгә балыҡ ҡармаҡларға барҙы. Тик бер балыҡ та эләкмәне.

- Ни эшләп бер балығың да юҡ? — тип һораны әсәһе.

- Балыҡтар йоҡлай, — тине улы.

ҺӨТ ШЕШӘҺЕ ҠАЙҘА?

Кескәй Азамат беренсе тапҡыр ауылға ҡайтты. Өләсәһе мал-тыуарҙар менән таныштырҙы ла:

- Был һыйыр, улым. Ул һөт бирә, — тине.

Малай, һыйыр тирәһендә әйләнеп йөрөнө лә:

- Ә уның имеҙлек ҡуйылған һөт шешәһе ҡайҙа? — тип һораны.

Юнир САЛАУАТОВ.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07