Тәрбиәселәр үҙҙәре үк матур итеп костюмдар тегеп, битлектәр әҙерләне. Ролдәрҙе улар ҙур оҫталыҡ менән башҡарып, мимика, интонация ярҙамында кескәйҙәрҙе әкиәт иленә алып инде. Сәхнә биҙәлеше, декорация, артистарҙың гримы — барыһы ла әкиәттең балаларға тәьҫир итеү көсөнә йоғонто яһаны. Иң мөһиме, баҡсаға йөрөүсе кескәйҙәр әкиәтте тын да алмай ҡарап, тыңлап ултырҙы.