-15 °С
Болотло
75 лет Победы
Бөтә яңылыҡтар
1 Март 2021, 14:00

ӘКИӘТ ИЛЕНӘ СӘЙӘХӘТ (БАЛАЛАР ИЖАДЫ)

Төлкө ниңә эҙен йәшерә?(Әкиәт)Борон-борон заманда йәшәгән ти бер төлкө.Уның һылыулығына бар йәнлек һоҡланған.Сөнки уныҡы кеүек ҡупшы ҡойроҡ,затлы тун береһендә лә булмаған имеш.Урманға яҡын ауылда бер оҫта һунарсы йәшәгән, уның тоғро эте лә булған.Һунарсы төлкө тураһында ишетеп белгән, уны ҡулға эләктерергә хыялланған.Бына бер матур ҡыш көнө һунарсы этен эйәртеп урманға киткән. Төлкө уларҙы әллә ҡайҙан уҡ күреп , ишетеп ҡалған да хәйлә ҡорған: үҙенең эҙенән килгән эттең алдына ҡуян тотоп сығып ултырған.Аслыҡтан эт төлкө тураһында онотоп, ҡуянды ашаған.Шулай итеп төлкө эт менән дуҫлашып та алған...

Ә төлкө эт һунарға килгән һайын, уны һыйлай икән.Ҡунаҡ ашы- ҡара-ҡаршы,эт тә төлкөнө ҡунаҡҡа саҡырған. Төлкө рәхәтләнеп тауыҡ ,ҡаҙ ите менән һыйланған.
Һунарсы аптырап һарайына ҡапҡан ҡуйырға булған.Ләкин ҡапҡанға төлкө түгел,ә хужаның эте эләккән.
Иртән һунарсы этенең шыңшыған тауышына сығып ҡараһа ,һарайында бер ҡош- ҡорт ҡалмаған була.Төлкө тиҙ генә һарайҙағы барлыҡ ҡош- ҡортто тоғона тултырып, урманға шылған.
Ғәйебен һиҙгән эт, хужаһын төлкөнөң ояһына алып бара.
Һунарсы төлкөнө атып алып ҡайта.Шул ваҡыттан бирле төлкөләр ҡойроҡтары менән үҙҙәренең эҙен һепереп кенә йөрөйҙәр икән.
Әлиә АБДРАХМАНОВА.
Ғафури районы Красноусол 2-се һанлы урта мәктәбенең 4 класс уҡыусыһы.
Етәксеһе - Юлиә КӘРИМОВА.