-10 °С
Болотло
Бөтә яңылыҡтар
КҮҢЕЛЛЕ УЙЫНДАР
Көлөү, шаярыу - күңелде үҫтерә, кәйефте күтәрә, иммунитетты күтәрә. Көлөүҙең файҙаһын һанай китһәң, бик күп: ул эске ағзаларға, шул иҫәптән, эсәктәргә лә яҡшы тәьҫир итә. Көлгән мәлдә беҙҙең 80 төр мускулдарыбыҙ ҡыҫҡара, тән температураһы артып китә, ҡан баҫымы үҙгәрә, ә мейегә эндорфиндар – “бәхет гормондары” ағыла...Балалар менән уйнарға "көлкө" уйындары тәҡдим итәбеҙ. Күберәк көлһөндәр, шаярып үҫһендәр баралар.
КӨЛДӨРМӨШ
Балалар түңәрәккә баҫа. Теҙелеп ултырғысҡа ултырһалар ҙа була. Һәр береһенә ҡыҙыҡлы исемдәр бирелә. Мәҫәлән: Кәстрүл, Һөҙгөс, ҡоймаҡ... Алып барыусы һәр береһенең алдына баҫып, һорауҙар бирергә тейеш. Ә балалар яуап итеп бер һүҙ генә – үҙенең исемен атай:
- Исемең нисек?
- Һөҙгөс.
- Бөгөн нимә ашаның?
- Һөҙгөс.
Башыңа нимә кейеп алғанһың?
- Һөҙгөс...
Түҙмәйенсә көлһә – уйындан сыға.
ХА-ХА ҺӘМ ХИ-ХИ
Уйын шарттары ябай: беренсе бала ҡысҡырып “ха” ти, икенсеһе – “хи”, өсөнсөһө тағы “ха”. Шулай дауам итә. Сират яңынаН беренсе уйынсыға килеп еткәс, ул “ха-ха”, ти, икенсеһе “хи-хи”, өсөнсөһө “ха-ха”. Шулай йәғни берәр ижек өҫтәп әйтәләр. Өҫтәлгән һайын уйын темпы ла шәбәйә.
“КӨЛМӘ!”
Уйындың исеменән үк аңлашыла: уйын барышында көлөргә ярамай. Алып барыусы заданиелар бирә, уйынсылар уны үтәй. Һәр задание – айырым бер хәрәкәт.
Мәҫәлән:
- уң күршеңдең ҡолағын тот
- һул күршеңдең ҡолағынан тарт
- үҙеңдең танауыңдан тарт
- уң күршеңә “мөгөҙ” ҡуй
- һул күршеңдең ҡулын күтәр
ҠЫРАҒАЙ
Теҙелеп торорға һәм бер нисә күнегеүҙе ятлап алырға:
- тура баҫтыҡ, ҡулдарҙы йәйҙек
- ҡулдарҙы күтәрҙек
- Ҡулдарҙы төшөрҙөк, һул аяҡты күтәрҙек
- һул аяҡты төшөрҙөк, уңын күтәрҙек
- сәпәкәй иттек һәм урында һикерҙек
Тәүҙә еңел тойолор, барыһы ла дөрөҫ ҡабатлар. Шәп, күңелле көй ҡуйығыҙ ҙа күнегеүҙәрҙе шул көй ыңғайына ҡабатлатығыҙ. Тиҙҙән балалар бутала башлар, шуның һайын алып барыусы “шәберәк-шәберәк” тип дәртләндерергә тейеш.
Читайте нас:
© 2025 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07