-13 °С
Ҡар
75 лет Победы
Бөтә яңылыҡтар
17 Февраль 2021, 20:28

ҠОРОЛМА ТӨҘӨП УЙНАУ ФАЙҘАЛЫМЫ?

Зөлфиә МУЛЛАҒОЛОВА:Ҡоролма төҙөп уйнау балаға үҙенең ҡабатланмаҫ әкиәти донъяһын асырға мөмкинлек бирә. Иғтибар иткәнегеҙ барҙыр, бала уйнағанда ҡул аҫтындағы әйберҙәрҙән (мендәр, йәшник, ултырғыстар һ.б.) йә үҙенә "өй" ҡороп ала, йә уйынсыҡтарына өй, гараж, бүлмә йыһаздары эшләп бөтә. Тик ҡайһы бер ата-әсәләр

өй туҙа тип, баланы бындай уйындарҙан тыя һәм дөрөҫ эшләмәй. Сөнки ҡоролма ҡороу кескәйҙәр өсөн бик файҙалы шөғөл. Конструкторҙан төрлө әйберҙәр эшләү баланың фекерләү ҡеүәһен, уйлау һәләтен арттыра, эстетик тойғоһон һәм ижади ҡарашын үҫтерә, хеҙмәткә һөйөү уята. Шулай уҡ уйын барышында балалар бер-береһе менән аралаша, кәңәшләшә һәм ниндәй ҡоролма төҙөгәнлеген анализлай. Ә был инде үҙ сиратында баланың телмәрен үҫтереүгә, һүҙ байлығын арттырыуға булышлыҡ итә.