-18 °С
Болотло
75 лет Победы
Бөтә яңылыҡтар
5 Февраль 2021, 10:36

ЭХ, ӨҘӘ БАҪАЛАР!

Бала саҡта моғайын бөтә балалар ҙа үҙ алдарына, ҡурсаҡтарына, ата-әсәләренә өйөрөлөп-сөйөрөлөп бейеп, тараҡты микрофон итеп тотоп йырлап, концерттар ҡуялыр... Раушания менән Айбулат Мансуровтар кеүек!

Бәләкәй артистар Стәрлетамаҡ ҡалаһында йәшәй, Башҡортостандың атҡаҙанған артисы Рәил Лоҡманов һәм Лиана Лоҡманова етәкселегендәге "Торатау" балалар халыҡ бейеүҙәре ансамблендә шөғөлләнә. Айбулат дүрт йәштән бейей башлаһа, Раушания ҙур сәхнәгә хатта өс кенә йәшендә сыға. Бейеүҙән тыш Айбулат пианинола уйнарға өйрәнә, велоспорт менән дә шөғөлләнә, ҡаланың Ж.Кейекбаев исемендәге 3-сө гимназияһында белем ала. Раушания иһә әле шулай уҡ башҡорт рухлы 62-се балалар баҡсаһына йөрөй, бейеүҙән тыш профессиональ рәүештә конькиҙа шыуырға йөрөй.