КҮБӘЛӘК

Ҡағыҙҙан күбәләк эшләйек һәм күбәләк тураһында шиғырҙар уҡыйыҡ. Һеҙ күбәләктәр тураһында тағы ниндәй шиғырҙар беләһегеҙ?

КҮБӘЛӘК
Күбәләгем, һыу буйында
Туғайҙарҙа үҫәһең,
Сәскәләрҙән сәскәләргә
Ниҙер эҙләп күсәһең.
Күбәләгем, леп-леп осоп,
Төрлө гөлгә ҡунаһың,
Гөл өҫтөнә ҡунған саҡта,
Сәскә кеүек булаһың.
Аҡ та була, күк тә була,
Төрлө була күбәләк.
Сәскә осҡан кеүек була,
Улар осһа бергәләп.
(Ҡ.Даян)

КҮБӘЛӘК
Мин торам ҡырҙарҙа,
Болонда, урманда.
Уйнайым, осамын,
Яҡты көн булғанда.
Иркәләй һәм һөйә
Ҡояштың яҡтыһы.
Аш булалыр миңә
Сәскәләр хуш еҫе.
(Ғ.Туҡай)

СӘСКӘ МЕНӘН КҮБӘЛӘК
Яландағы аҡ сәскәгә
Ҡунды ла бер күбәләк:
- Икебеҙ ҙә бер төҫтәбеҙ,
Осайыҡ, - ти, - бергәләп.
- Үҙең генә ос, - ти сәскә, -
Үпкәләмә һин бер ҙә.
Икебеҙ ҙә осоп китһәк,
Матурлыҡ ҡалмаҫ ерҙә.
(М.Дилмөхәмәтов)

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07