+19 °С
Болотло
Бөтә яңылыҡтар
ЯТҠАН КИЛЕШ УЙНАП АЛАЙЫҠ
Йыш ҡына балағыҙҙың һеҙҙең менән уйнағыһы, шаярғыһы килә, ә һеҙ эштән һуң арығанһығыҙ,ҡыл ҡыбырлатырлыҡ та хәлегеҙ юҡ. Шундай осраҡҡа уйындар тәҡдим итәбеҙ.
Йыш ҡына балағыҙҙың һеҙҙең менән уйнағыһы, шаярғыһы килә, ә һеҙ эштән һуң арығанһығыҙ,
ҡыл ҡыбырлатырлыҡ та хәлегеҙ юҡ. Шундай осраҡҡа уйындар тәҡдим итәбеҙ.
Диванда ятаһығыҙ. Балаға: “Мин - диван һаҡсыһы. Миңә яҡын килергә ярамай, юҡһа мин һине тотоп ашайым!” – тиһегеҙ.
Шунан һуң, яҡын килә башлаһа, “ррррр” тип ырылдап, тоторға итәһегеҙ. Балағыҙ ҡыуанып, сырылдай-сырылдай ҡасыр.
Иҙәнгә ятаһығыҙ һәм: “Мин – Бәһлеүән, миңә өй кәрәк”, - тиһегеҙ. Бала һеҙҙең тирәләй ҡул аҫтындағы уйынсыҡтарҙан,
кубик-конструкторҙарынан, түшәктәрҙән өй төҙөй.
Бала – табип, ә һеҙ – ауырыу. Диванда ятҡан килеш йә башығыҙ, ҡулығыҙ йә аяғығыҙ ауыртыуға,
тешегеҙ һыҙлауға, зарланығыҙ. Табип әйҙә һеҙҙе дауалаһын: укол һалһын,
ауыртҡан ерегеҙҙе бәйләһен, температурағыҙҙы үлсәһен һ.б.
Һеҙ – икмәк. Бала һеҙҙән бутерброд яһай: май һылай, өҫтөнә сыр киҫәге, салат япраҡтары, помидор, һ.б. нәмәләр һала.
Балалар фантазияға бай була, ниндәй уйынсыҡтар һалырға тиҙ үк уйлап табырҙар.
Һеҙ – ҡамыр. Бала оҙаҡ итеп төрлө яҡлап баҫырға тейеш. Унан табаға һалып, бешкәнен көтә. Ваҡыты-ваҡыты менән:
“Бәлеш бештеме?” тип һорай. Һеҙ: “Юҡ әле”, - тип яуап бирәһегеҙ.
Читайте нас:
© 2024 «Аҡбуҙат» - Мәктәпкәсә йәштәге һәм башланғыс класс уҡыусылары өсөн әҙәби-нәфис журнал. Сайттағы мәҡәләләрҙе администрацияның ризалығы менән генә күсереп алырға рөхсәт ителә.
Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.
Баш мөхәррир Абдуллина Лариса Хашим ҡыҙы
Телефон
89659441892
Электрон почта
Адресы
г. Уфа, ул. 50 лет Октября, 13, 1 этаж
Реклама хеҙмәте
(347) 2927761
Редакция
(347) 2927761
Ҡабул итеү бүлмәһе
(347) 2927761
Хеҙмәттәшлек
89659441892
Кадрҙар бүлеге
8(347)272-42-07